YOD ÇATIŞMAZLIĞI

YOD ÇATIŞMAZLIĞI ƏHALİNİN İNTELLEKTUAL POTENSİALINI 13 DƏFƏYƏDƏK AZALDA BİLƏR!

Qidada yodun sistematik çatışmazlığı zamanı zəiflik, süstlük, sinir sisteminin fəaliyyətində pozuntular, uşaqlarda əqli zəiflik müşahidə olunur. Yod çatışmazlığının təzahürü kimi ən çox zob xəstəliyinə rast gəlinir. 

Yod çatışmazlığının təzahürləri:

• Hamilə qadınlarda uşaqsalma və ölü, lal-kar və kor uşaqların doğulması
• Yeni doğulmuşlarda çəkinin aşağı olması (bu halda çəkinin az olması yeni-doğulmuşun həyatı üçün risk amilidir).
• Uşaqlar, xüsusən də yeniyetmələrdə çırtdanboyluluq, fiziki və əqli inkişafdan geriqalma, tədris müvəffəqiyyətlərinin aşağılılığı, tez-tez təsadüf olunan soyuqdəymələr və s. 

YODLA ZƏNGİN MƏHSULLARDAN İSTİFADƏ EDİN!

• Dəniz məhsulları
• Okean və dəniz balıqları
• Dəniz kələmi
• Balıq məhsulları
• Pendir
• Kərə yağı
• Meyvə və tərəvəzlər
• digər məhsullar 

Özünüzü və yaxınlarınızı yod defisitli xəstəliklərdən qorumaq üçün yodlaşdırılmış duzdan istifadə edin və bunu ətrafınızdakılara tövsiyə edin!

Yodlaşdırılmış duzdan istifadənin nəticəsi olaraq:

• Orqanizmimiz yodla təmin olunar.
• İmmun sistemimiz güclənər, sağlam və möhkəm olarıq.
• Yaddaşımız yaxşılaşar.
• Həmişə yüksək əhval-ruhiyyəmiz, normal yuxumuz olar.
• Fiziki cəhətdən inkişaf edər, ucaboylu və güclü olarıq.
• Enerjimiz tükənməz və iş qabiliyyətimiz artar.
• Biz hər şeyə - həm oxumağa, həm istirahət etməyə, həm də idmanla məşğul olmağa qabil olarıq. 

UNUTMAYIN!

• Yodlaşdırılmış duz adi duzdan nə rəngi, nə də iyi ilə fərqlənmir!
• Yodlaşdırılmış duzu quru, sərin və qaranlıq yerdə, bağlı halda saxlamaq lazımdır!
• Yemək hazırlayarkən duzu son mərhələdə əlavə edin! Çünki uzun müddətli termiki emal xeyli miqdarda yod itkisinə səbəb ola bilər.
• Yodlaşdırılmış duzu alarkən onun emal tarixi və saxlanma müddətinə diqqət yetirin!
• Ən əsası yodlaşdırılmış duzdan istifadə etməklə siz Azərbaycanın sağlam gələcəyinin təməlini qoyursunuz!