Siqaret

DÜNYADA HƏR 8 SANİYƏDƏ SİQARET ÇƏKMƏ SƏBƏBİNDƏN BİR İNSAN DÜNYASINI DƏYİŞİR.

Dünyada hər 3 nəfərdən biri siqaret çəkir. Siqaret çəkənlərin  80%-i inkişaf etməmiş və inkişaf etməkdə olan ölkələrin vətəndaşlarıdır. Kişilərdə ölümün səbəbi (35-69 yaşlar arasında) olan xərçəng  40-48% hallarda nikotinlə bağlıdır. Ağ ciyər xərçəngi 95% hallarda siqaret çəkmə ilə bağlıdır.

ACI NƏTİCƏLƏR:
• Siqaret tüstüsündə 59 kanserogen maddə vardır ki, onlardan da 6-sı qarşısı alınmaz olaraq uşaqlığa və dölün inkişafına təsir edir.
• Siqaret tüstüsündə olan zəhərlər hüceyrələrdə dağıdıcı dəyişikliklər törədir, lakin siqaret çəkən bunu uzun illər boyu hiss etmir. Nəticədə ağciyərlərin, dərinin, uşaqlığın xərçəngi, dişlərin xəstəlikləri, mədə yarası, psoriaz və s. əmələ gəlir.

PASSİV SİQARET ÇƏKMƏ:
Ağciyərlərin xərçəngindən ürək xəstəliklərindən çox insanlar tələf olur. Uşaqlar isə ildırım sürətli ölümlə üzləşir. Nə üçün? – Ona görə ki, siqaret çəkirsiniz. Passiv siqaret çəkmə, siqaret tüstüsü ilə nəfəs almaq sağlamlığa pis təsir edir. Əgər hamilə qadın daim siqaret tüstüsü ilə nəfəs alırsa, uşaq müxtəlif inkişaf qüsuru ilə doğula bilər. Siqaret tüstüsü olan otaqda 4 saat qalmaq 2 siqaret şəkməyə bərabər sayılır.

HƏR İL PASSİV SİQARET ÇƏKMƏ NƏTİCƏSİNDƏ 26 000 UŞAQ BRONXİAL ASTMA, 300 000 UŞAQ İSƏ BRONXİTLƏ XƏSTƏLƏNİR.

İnkişaf etmiş ölkələrdə siqaret çəkmə pis vərdiş kimi qəbul edilir. Özünüzə və başqalarına hörmət edin.

MÜASİR OL VƏ SƏRBƏST YAŞA!