"NUR" Uşaq və Gənclərin İctimai Birliyi: "Sülh mədəniyyəti və dünya uşaqlarına münasibətdə qeyri-zorakılıq beynəlxalq onilliyinin (2001-2010)" Azərbaycan Respublikasında qeyd edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI 

"Sülh mədəniyyəti və dünya uşaqlarına münasibətdə qeyri-zorakılıq
beynəlxalq onilliyinin (2001-2010)" Azərbaycan Respublikasında qeyd edilməsi
haqqında AZƏRBAYCAN RESPUBLİKASI PREZİDENTİNİN SƏRƏNCAMI
================================================================================
admin on 26 January, 2010 
 
"Sülh mədəniyyəti və dünya uşaqlarına münasibətdə qeyri-zorakılıq
beynəlxalq onilliyinin (2001-2010)" Azərbaycan Respublikasında qeyd edilməsi
haqqında
AZƏRBAYCAN RESPUBLİKASI PREZİDENTİNİN SƏRƏNCAMI
Birləşmiş Millətlər Təşkilatının Baş Məclisinin təşəbbüsü ilə
"Sülh mədəniyyəti və dünya uşaqlarına münasibətdə qeyri-zorakılıq
beynəlxalq onilliyinin (2001-2010)" keçirilməsini və məsələlərin
koordinatoru BMT-nin Təhsil, Elm və Mədəniyyət Məsələləri üzrə
Təşkilatının (YUNESKO-nun) tövsiyəsinə nəzərə alaraq, Azərbaycan
Respublikasının beynəlxalq tədbirlərdə daha yaxından iştirakını təmin
etmək məqsədi ilə qərara alıram:
1. 2001-2010-cu illər Azərbaycan Respublikasında "Sülh mədəniyyəti və
dünya uşaqlarına münasibətdə qeyri-zorakılıq beynəlxalq onilliyi" kimi
geniş qeyd olunsun.
2. "Sülh mədəniyyəti və dünya uşaqlarına münasibətdə
qeyri-zorakılıq beynəlxalq onilliyi"nin qeyd edilməsi ilə bağlı
tədbirlərin hazırlanıb həyata keçirilməsi Azərbaycan Respublikası
Prezidentinin 1999-cu il 28 dekabr tarixli 299 nömrəli Sərəncamı ilə
Beynəlxalq "Sülh mədəniyyəti ili"nin qeyd olunması ilə əlaqədar
yaradılmış Milli Komitəyə tapşırılsın.
3. Milli Komitə bir ay müddətində müvafiq tədbirlər proqramı
hazırlayıb təsdiq etsin.
4. Azərbaycan Respublikasının Nazirlər Kabineti bu Sərəncamdan irəli
gələn məsələləri həll etsin.
Azərbaycan Respublikasının Prezidenti HEYDƏR ƏLİYEV
Bakı şəhəri, 4 iyul 2001-ci il
№ 765