"NUR" Uşaq və Gənclərin İctimai Birliyi: QHTXEBER.az:::“Nur” İctimai Birliyi: Bu, dünya üçün bir çağırışdır

QHTXEBER.az:::“Nur” İctimai Birliyi: Bu, dünya üçün bir
çağırışdır
================================================================================
admin on 11 March, 2011 
 
11.03.2011 “Azərbaycanın müstəqillik tarixində Dağlıq Qarabağ
münaqişəsi zamanı erməni qəsbkarları tərəfindən uşaqlara qarşı
dəfələrlə zorakılığın edilməsi, uşaqların amansızlıqla və
işgəncələrlə öldürülməsi, uşaqların gözü qarşısında
valideynlərinin qətlə yetirilməsi, uşaqların əlil olması və bu kimi
insanlığa sığmayan əməllərə beynəlxalq ictimaiyyət tərəfindən
lazımi qiymətin verilməməsi uşaq hüquqlarının tanınması və həyata
keçirilməsi istiqamətində qlobal səyləri şübhə altına alır”. Bu
barədə “Nur” Uşaq və Gənclər İctimai Birliyinin 9 yaşlı Farizin
ermənilər tərəfindən öldürülməsinə etiraz olaraq yaydığı bəyanatda
deyilib. Qhtxeber.az-ın məlumatına əsasən, bəyanatda bildirilib ki, bir
neçə gün öncə Ermənistan silahlı qüvvələrinin açdığı atəş
nəticəsində 9 yaşlı Fariz Bədəlovun öldürülməsi Azərbaycan
ictimaiyyətində güclü etirazlara səbəb olub. QHT vurğulayıb ki,
Azərbaycana qarşı erməni təcavüzünün qurbanı olan uşaq dünya üçün
bir çağırışdır: “Bizim başqa bir uşağın öz yaşamaq hüququndan
məhrum edilməyəcəyi barədə heç bir zəmanətimiz yoxdur. Dünya birliyi
Erməni təcavüzünə son qoyulmasına dəstək göstərməlidir”.
Qeyd edək ki, ingilis dilində hazırlanan bəyanat Azərbaycanda akkreditə
olunmuş səfirliklərə, beynəlxalq təşkilatlara, beynəlxalq uşaq
təşkilatlarına və sosial şəbəkələrə göndərilib.
http://www.qhtxeber.az/news/a-8080.html