Cavid Məmmədov

Cavid Məmmədov Bakı şəhərində yaşayır. 11ci sinif şagirdidir. Azərbaycan Uşaqlarının Ι Forumunun iştirakçısıdır. Təhsildən əlavə rəssamlıqla məşğul olur.

Məmmədov Cavid Yusif oğlu 1992-ci ildə anadan olmuşdur. Bakı şəhər 177 saylı orta məktəbin şagirdidir. Təhsil aldığı müddətdə özünü ağıllı, tərbiyəli, fəal şagird kimi göstərmişdir.
Cavid gözəl rəsm əsərləri çəkir. O, 2007-ci ildə “Heydər Əliyev və Müstəqil Azərbaycan” mövzusunda keçirilən respublika üzrə rəsm müsabiqəsində ΙΙ yerə, Beynəlxalq rəsm müsabiqəsində gümüş medala, 2008-ci ildə “Azərbaycan- dünyam mənim” yaradiciliq müsabiqəsində Ι yerə, həmçinin Respublika QİÇS’lə Mübarizə Mərkəzi və Təhsil Nazirliyin birgə keçirdiyi rəsm müsabiqəsində Ι yerə layiq görülmüşdür.
Cavid ictimai işlərdə fəal iştirak edir. O, Azərbaycan Uşaqlarının 1-ci Forumunda iştirak etmək hüququ qazanmışdır. Forumda- təhsil, uşaqların sosial inkişafı mövzuları çərçivəsində müzakirələrdə aktiv iştirak etmiş  və bir çox təkliflər irəli sürmüşdür.