"NUR" Uşaq və Gənclərin İctimai Birliyi: O mişk tellərin sənin məzhəbi-dilbəri tutub

O mişk tellərin sənin məzhəbi-dilbəri tutub
================================================================================
admin on 11 May, 2010 
 
O mişk tellərin sənin məzhəbi-dilbəri tutub,
O zülmkar qəmzələrin rəsmi-sitəmkəri tutub.
Gül üzünü görən bəşər bağladı bel qul olmağa,
Canını azad eyləmiş, rütbeyi-çakəri tutub.
Bədnəzərin xətasına düşməyəsən deyə, səhər
Bir dua eylədim sənə, əldə o dəftəri tutub.
Layiqin olmasam da mən, yaş-quruma döz, ey gülüm!
Göz yaşım axdı sel kimi, gör ki, o hər yeri tutub.
Səninlə ilk dovda canı ucuz tutub, uduzmuşam,
Eyləmə eşqə hiylə sən, rütbeyi-davəri tutub.
Məsiha möcüzü kimi möcüzə göstərir ləbin.
Səni Nizami Gəncəvi eşqdə rəhbəri tutub.