"NUR" Uşaq və Gənclərin İctimai Birliyi: MƏNİM EŞQİM

MƏNİM EŞQİM
================================================================================
admin on 07 May, 2010 
 
Nə ağırdır mənim eşqim, nə ağır,
Bu ağır siqləti çəkməz divlər.
Ey könül! Burda təhəmmül göstər,
Nə haray çək, nə acıqlan, nə bağır.
İldırım çaxdıracaq hər yandan,
Azacıq dolsa buludlarla səma.
Bu dənizlər də çocuqdur, baxma,
Sarsılar hər qopacaq tufandan.
Mən fəqət kəndimi hiss etdim şad,
Çəkmədim eşqin əlindən fəryad,
Bu da hər davranışımdan bilinir.
Gözlərin, ah o qaranlıq göllər,
Bu gözəl göllərə çox dalsam əgər,
Hər ağırlıq ürəyimdən silinir.