"NUR" Uşaq və Gənclərin İctimai Birliyi: Dövlət müstəqilliyinə dair sənədlər: Hakimiyyətin kommunistlərə təhvil verilməsi haqqında müsavat parlamanının qərarı

Dövlət müstəqilliyinə dair sənədlər: Hakimiyyətin kommunistlərə
təhvil verilməsi haqqında müsavat parlamanının qərarı
================================================================================
admin on 31 December, 2009 
 
21 aprel 1920-ci il
Axşam saat 11.00
Sizin 27 aprel tarixli məktubunuzu müzakirə və onun məzmununu həyəcanla
müqayisə edib. Sizin təklifinizi nəzərə alaraq bizim tərəfimizdən
seçilmiş komissiya:
1. Sovet hökuməti tərəfindən idarə olunan Azərbaycanın tam
istiqlaliyyəti mühafizə edilir;
2. Azərbaycan kommunist firqəsinin yaratdığı hökumət müvəqqəti orqan
olacaqdır;
3. Azərbaycanın son idarə formasını hər hansı bir xarici təzyiqdən
asılı olmayan fəhlə, kəndli və əksər deputatları Sovetləri şəxsində
Azərbaycanın ali qanunverici orqanı müəyyənləşdirir;
4. Hökumət idarəsinin bütün xidmətçiləri öz yerlərində qalır, ancaq
məsul vəzifə tutanlar dəyişdirilir;
5. Yeni yaradılan müvəqqəti kommunist hökuməti Parlamentin və hökumət
üzvlərinin həyatının və əmlakının toxunulmazlığına təminat verir;
6. Qızıl Ordunun Bakı şəhərinə döyüşlə daxil olmasına yol verməmək
üçün tədbir görüləcək;
7. Yeni hökumət haradan baş verməsindən asılı olmayaraq Azərbaycanın
istiqlalını sarsıtmaq məqsədi güdən bütün xarici qüvvələrə qarşı
qəti tədbirlər görəcək və öz sərəncamında olan bütün vasitələrlə
mübarizə aparacaqdır.
Azərbaycan Parlamentinin özünün fövqəladə iclasında bu şərtləri səs
çoxluğu ilə qəbul etdiyini Sizin nəzərinizə çatdırıram.
Parlamentin sədri: Məmməd Yusif Cəfərov
Dəftərxana direktoru: Vəkilov
“Kommunist” qəzeti, 6 may 1920-ci il