Əziz dostlar!

“NUR” Uşaq və Gənclərin İctimai Birliyi böyük məmuniyyətlə www.0-18.az saytını sizin diqqətinizə və istifadənizə təqdim edir.

Uşaqlar və uşaqlarla işləyən şəxslər üçün nəzərdə tutulan saytın hər bir bölümündə sizin üçün yararlı və maraqlı olacaq məlumatlar əldə edə bilərsiniz. Həyatımızın ən gözəl çağları məhz uşaqlıq illəridir. Biz kiçik yaşlı həmvətənlərimizin öz hüquqlarını bilməsini, sağlam və təhlükəsiz həyat sürməsini, bilikli və mədəni vətəndaş olmasını, asudə vaxtını isə səmərəli keçirməsini istəyirik. Saytda saytın yaradıcıları- “NUR” Uşaq və Gənclərin İctimai Birliyi haqda geniş məlumat əldə edə və əlaqə yarada bilərsiniz.

“Uşaq Hüquqları” bölümündə uşaqların hüquqları, uşaqlar üçün daha yararlı dünyanın qurulması üçün görülən işlər, uşaqların üzləşdiyi problemlər barədə məlumatlanmaqla uşaq hüquqlarının müdafiəçisi ola bilərsən.

“Sağlamlıq” bölümündə uşaqların və yeniyetmələrin sağlamlığı, pis vərdişlər, təcili yardım və s. bu kimi məlumatlar yer alıb.

“Təhlükəsizlik qaydaları” bölümündə həyatda, yolda, internetdə təhlükəsizlik qaydaları ilə tanış ola bilərsən.

“Elm aləmi” bölümündə dərslərində sənə yardımçı ola biləcək müxtəlif məlumatlardan yararlana bilərsən.

Əylənmək istəyirsənsə, “Əyləncə” bölümündə onlayn oyunlar, musiqi, şəkil və rəsmlərdən istifadə edə bilərsən.

“Quiz” bölümündə uşaq hüquqları ilə bağlı biliklərini yoxlamaq üçün test-sorğularda iştirak edə bilərsən.

“Sizin yazılar” bölümündə saytın istifadəçiləri və qonaqlarının həyatları ilə bağlı real hadisələrin təsviri, bədii yaradıcılıq nümunələri yer alacaq.

Məsləhət xidməti vasitəsilə heç kimdən bölüşə bilmədiyin və ya cavab tapa bilmədiyin problemlərini, suallarını ananim olaraq bizə yaza bilərsən. Burada sənə mütəxəssislər cavab verəcək.

Rəy və təkliflərinizi gözləyirik! Sayt daima yenilənəcəkdir. Yeniliklərdən hamıdan qabaq xəbərdar olun.